اسلام آباد: اسلام آباد کراٹے ایسوسی ایشن کے زیر اہتمام دوسری اوپن فرینڈ شپ کراٹے چیمپئن شپ (کل) 5 جنوری سے پاکستان اسپورٹس بورڈ کے حمیدی ہال میں کھیلی جائے گی۔

تفصیلات کے مطابق اسلام آباد کراٹے ایسوسی ایشن کے صدر اعجازالحق نے بتایا کہ چیمپئن شپ کی تیاریاں زور و شور سے جاری ہیں اور شرکت کی خواہش رکھنے والے کھلاڑی اپنے اپنے ناموں کا اندراج 4 جنوری تک کروا سکتے ہیں۔

5 جنوری کو صبح کھلاڑیوں کے وزن اور ایونٹ کے ڈراز کا اعلان کیا جائے گا۔

بوائز انفرادی کو متے اور انڈر-16 کے مقابلوں میں منفی 35 کلوگرام، منفی 40 کلوگرام، 45 کلوگرام، 50 کلوگرام ویٹ کیٹگریز شامل ہیں بوائز انڈر- 18 کے مقابلوں میں منفی 55 کلوگرام، 60 کلوگرام، 67 کلوگرام، 70 کلوگرام اورانفرادی کومتے شامل ہیں۔

اعجاز الحق کا کہنا تھا کہ مزید معلومات کے لیے اسلام آباد کراٹے ایسوسی ایشن کے اسیکرٹری اویس رشید مغل سے رابطہ قائم کیا جاسکتا ہے اور چیمپئن شپ کے اختتام پر کامیابی حاصل کرنے والے کھلاڑیوں میں انعامات تقسیم کیے جائیں گے۔