The news is by your side.

Advertisement

سال کا دوسرا سورج گرہن کل اور پرسوں ہوگا: محکمہ موسمیات

کراچی: محکمۂ موسمیات کا کہنا ہے کہ سال کا دوسرا سورج گرہن کل اور پرسوں ہوگا، تاہم یہ سورج گرہن پاکستان میں نہیں دیکھا جا سکے گا۔

تفصیلات کے مطابق محکمۂ موسمیات نے کہا ہے کہ کل اور پرسوں سورج گرہن ہوگا جسے پاکستان میں نہیں دیکھا جا سکے گا، دیگر ممالک میں کل سورج گرہن رات 9 بج کر 55 منٹ پر شروع ہوگا۔

محکمۂ موسمیات نے کہا کہ سورج کو مکمل گرہن رات 11 بج کر 3 منٹ پر لگے گا، یہ سورج گرہن 3 جولائی کو دن 11 بج کر 51 منٹ پر ختم ہوگا۔

محکمۂ موسمیات نے یہ بھی بتایا کہ اس گرہن کو سورج غروب ہونے سے قبل چلی اور ارجنٹینا میں دیکھا جا سکے گا، پیسیفک اور جنوبی امریکا کے کچھ علاقوں میں بھی سورج گرہن دیکھا جا سکے گا۔

جب کہ ایکواڈور، برازیل، یورا گواے، پیراگے میں جزوی طور پر سورج گرہن ہوگا۔

یاد رہے کہ رواں سال کا پہلا سورج گرہن 6 جنوری کو ہوا تھا جس کا نظارہ امریکا، مشرقی روس، چین، شمالی اور جنوبی کوریا سمیت جاپان کے مختلف شہروں میں کیا گیا تھا۔

واضح رہے کہ سورج کو گرہن اس وقت لگتا ہے جب چاند اپنے مدار میں گردش کرتے ہوئے زمین اور سورج کے درمیان حائل ہو جاتا ہے اور اس کی روشنی زمین تک پہنچنے سے روک دیتا ہے لیکن چوں کہ سورج کا فاصلہ زمین سے چاند کے فاصلے کے مقابلے میں 400 گنا زیادہ ہے، اس لیے سورج چاند کے پیچھے مکمل یا جزوی طور پر چھپ جاتا ہے۔

Comments

comments

یہ بھی پڑھیں