The news is by your side.

Advertisement

اماراتی مردوں کو دوسری شادی کے لیے گھر الاؤنس دینے کا اعلان

یو اے ای: متحدہ عرب امارات نے غیر شادی شدہ خواتین کی تعداد پر قابو پانے کے لیے دوسری شادی کرنے والے مردوں کو گھر الاؤنس دینے کا فیصلہ کیا ہے‘ کہا جارہا ہے کہ اس فیصلے سے سماجی ڈھانچہ بہتر رکھنے میں مدد ملے گی۔

تفصیلات کے مطابق متحدہ عرب اماعات کے وزیر برائے ترقیاتی امور ڈاکٹر عبداللہ النُعیمی نے گزشتہ روز وفاقی قومی کونسل میں اعلان کیا تھا کہ ان کی وزارت نے دوسری شادی کرنے والے مردوں کو شیخ زید ہاؤسنگ پروگرام میں سے ان کی بیویوں کو علیحدہ گھر مہیا کرنے کے لیے الاؤنس دینے کا فیصلہ کیا ہے۔

ان کا کہنا تھا کہ دوسری بیوی کو بھی اسی طرح کا گھر اور دیگر ضروریات زندگی مہیا کی جائیں گی جیسا کہ پہلی کے لیے انتظامات کیے جاتے ہیں۔ اس موقع پر وفاقی کونسل کے ممبران کا کہنا تھا کہ اس فیصلے سے امارات میں غیر شادی شدہ خواتین کی تعداد پر قابو پانے میں مدد ملے گی۔

وفاقی قومی کونسل کے ممبر حماد الروحامی کا کہنا ہے کہ ’’ منسٹری کو دوسری شادی کا طریقہ کار سادہ بنانے کی کوشش کرنی چاہیے‘ جیسا کہ انہیں گھر مہیا کرنا اور اس جیسے دیگر اقدامات‘‘۔ انہوں نے یہ بھی کہا کہ اس سے کنواری خواتین کو بھی بے پناہ مدد ملے گی۔

ممبران کا کہنا تھا کہ حکام کے اس اقدام کمزور ہوتے ہوئے سماجی ڈھانچے کو مستحکم کرنے میں مدد ملے گی‘ ان کا کہنا تھا کہ مکانوں کی آسمان سے باتیں کرتی قیمتوں کے سبب مردوں کے لیے مشکل ہوگیا تھا کہ وہ ایک وقت میں ایک سے زیادہ بیویاں رکھیں۔

ترقیاتی امور کے وزیر نے اس موقع پر کہا کہ ’’ پہلے ہم غور کررہے تھے کہ پہلی بیوی کے گھر کے ہمراہ ایک چھوٹا پورشن دوسری بیوی کے لیے تعمیر کرایا جائے‘ تاہم بعد میں ہم نے اس خیال کورد کردیا کیونکہ یہ دوسری بیوی کے ساتھ زیادتی ہوتی۔ اس کی کوئی توجیہہ پیش نہیں کی جاسکتی کہ دوسری بیوی کا گھر پہلی بیوی سے چھوٹا ہو لہذا دونوں کو مساوی طرزِ زندگی مہیا کیا جائے گا۔


خبر کے بارے میں اپنی رائے کا اظہار کمنٹس میں کریں‘ مذکورہ معلومات  کو زیادہ سے زیادہ لوگوں تک پہچانے کےلیے سوشل میڈیا پرشیئر کریں

Print Friendly, PDF & Email

Comments

comments

یہ بھی پڑھیں