اسلام آباد : سیکیورٹیز اینڈ ایکسچینج کمیشن آف پاکستان (ایس ای سی پی) نے ڈیٹا کسی بھی غیرملکی کمپنی یاایجنسی کو دینے کی تردید کردی۔
تفصیلات کے مطابق سیکیورٹیز اینڈ ایکسچینج کمیشن آف پاکستان (ایس ای سی پی) نے ڈیٹا کسی بھی غیرملکی کمپنی یاایجنسی کو دینے سے متعلق خبروں کی سختی سے تردید کرتے ہوئے کہا ادارے کاڈیٹاکسی غیر ملکی کمپنی یاایجنسی کونہیں دیا گیا۔
ترجمان کا کہنا تھا کہ کسی بھی کمپنی کو ڈیٹا کی فراہمی کا سوال ہی پیدا نہیں ہوتا ، بے بنیاد اور غیرذمہ دارانہ خبر پر قانونی چارہ جوئی کی جائے گی۔
ترجمان کےمطابق ڈی ایف آئی ڈی نےایس ای سی پی کی ڈیجیٹلائزیشن منصوبےکیلئےفنڈ دیے، ڈیجیٹلائزیشن منصوبے کا کنٹریکٹ بھی ڈی ایف آئی ڈی کی منظوری سےجاری ہوا ، ڈیجیٹلائزیشن کے کنٹریکٹ کے اجراسےایس ای سی پی انتظامیہ کاکوئی تعلق نہیں جبکہ اکنامک افئیرزڈویژن کی کلیئرنس نہ ملنےپرکنٹریکٹ منسوخ ہوچکا ہے۔
