معروف ماڈل نتاشہ حسین نے اپنی خوبصورت جلد اور فٹنس کا راز مداحوں سے شیئر کیا اور بتایا کہ انہیں بچپن ہی سے اپنی خوبصورتی کا خیال رکھنے کا شوق تھا۔
معروف ماڈل نتاشہ خان نے اے آر وائی ڈیجیٹل کے مارننگ شو گڈ مارننگ پاکستان میں شرکت کی اور اپنی خوبصورت جلد کا راز بتایا۔
نتاشہ کا کہنا تھا کہ انہیں بچپن سے ہی اپنی خوبصورتی اور کھانے پینے کا خیال رکھنے کا شوق تھا، شادی کے بعد ان کے شوہر بھی اسی مزاج کے نکلے اور وہ بھی کھانے پینے کے حوالے سے بے حد محتاط ہیں۔
انہوں نے بتایا کہ جب وہ کام سے گھر واپس آتی تھیں تو انہیں میک اپ کلینز کرنے میں وقت لگتا تھا اور اس بات پر شوہر سے باقاعدہ لڑائیاں ہوتی تھیں کہ وہ گھر آنے کے بعد بھی مصروف رہتی ہیں اور فیملی کے ساتھ بیٹھنے میں وقت لگاتی ہیں۔
نتاشہ کا کہنا ہے کہ ان کی بڑی بہنیں بھی اپنی جلد اور صحت کا خیال رکھتی تھیں جس کی وجہ سے وہ بھی اس روٹین کی عادی ہوگئیں اور آج تک اس پر قائم ہیں۔
