نیویارک : اقوام متحدہ کے سلامتی کونسل اجلاس میں امریکی وزیرخا رجہ انٹونی بلنکن نے حماس کی مذمت کا مطالبہ کرتے ہوئے کہا امریکا اسرائیل کی حفاظت کرے گا۔
تفصیلات کے مطابق اقوام متحدہ کے سلامتی کونسل اجلاس میں امریکا کو اسرائیلی حملے نظر نہ آئے اور حماس کی مذمت کا مطالبہ کردیا۔
امریکی وزیرخا رجہ انٹونی بلنکن نے کہا کہ سلامتی کونسل کی ذمہ داری ہےکہ حماس کی مذمت کرے، اقوام متحدہ کوکسی بھی ملک کےاپنےدفاع کےحق کی توثیق کرنی چاہیے۔
انٹونی بلنکن کا کہنا تھا کہ کونسل کاکوئی رکن،اپنےلوگوں کےقتل عام کوبرداشت نہیں کرسکتی، ضروری ہےہم تنازع میں تمام شہریوں کےتحفظ کےلیےکام کریں، ہمارابنیادی مقصدہےکہ ہر شہری کی زندگی قیمتی ہے۔
ایران کے حوالے سے انھوں نے کہا کہ امریکا ایران کےساتھ جنگ نہیں چاہتا، خطےمیں ایرانی پراکسی لڑائیوں کی مذمت کرتے ہیں، حالیہ دنوں میں عراق اورشام میں امریکی اہلکاروں پرحملےکیے گئے، امریکانہیں چاہتاکہ جنگ پھیلے لیکن ایران حملوں کی غلطی نہ کرے۔
امریکی وزیرخا رجہ نے واضح کہا کہ خطے میں کہیں بھی امریکی اہلکاروں پر حملہ ہوا تو دفاع کریں گے، ایران کوخبردارکرتےہیں کہ اسرائیل کیخلاف دوسرامحاذنہ کھولیں۔
انٹونی بلنکن کا مزید کہنا تھا کہ امریکا اسرائیل کی حفاظت کریگا، شراکت داروں پر حملہ نہ کیا جائے۔
