کراچی: سندھ ہائی کورٹ میں سماعت کے لیے آئے سابق سیکرٹری بلدیات احمد علی لوند،ضمانت منسوخ ہونے پر عدالت سے فرار ہوگئے۔
تفصیلات کے مطابق سابق سیکرٹری بلدیات احمد علی لوند پر 38 کروڑ کے ناجائز اثاثہ جات بنانے کے الزم میں تحقیقات جاری ہیں،اس سلسلے میں آج وہ اپنی ضمانت کی معیاد میں توسیع کے لیے سندھ ہائی کورٹ کے روبرو پیش ہوئے تھے،جہاں عدالت نے اُن کی ضمانت منسوخ کرتے ہوئے اُن کی گرفتاری کا حکم دیا،تاہم سابق سیکرٹری بلدیات گرفتاری دینے کے بجائے موقع سے فرار ہو گئے۔
یاد رہے سندھ میں نیب اور ایف آئی اے کی کرپشن کی خلاف بڑھتی کاروائیوں کے بعد سندھ کے اینٹی کرپشن محکمہ نے بھی اپنی تحقیقات کا دائرہ وسیع کردیا ہے،سندھ کے موجودہ اور سابقہ بیوروکریسی حفاظتی ضمانت کروانے میں مصروف ہیں۔
