کراچی میں میڈیکل اینڈ ڈینٹل کالج ایپٹی ٹیوڈ ٹیسٹ (ایم ڈی کیٹ) ٹیسٹ کے انعقاد کے موقع پر ایکسپو سینٹر کے اطراف دفعہ 144 نافذ کر دی گئی۔
تفصیلات کے مطابق کراچی میں میڈیکل کالجوں میں داخلہ کیلئے ایم ڈی ٹیسٹ کے موقع پر دفعہ 144 نافذ کر دی گئی جس کا کمشنر نے نوٹیفکیشن بھی جاری کردیا۔
نوٹیفکیشن کے مطابق امتحانی مراکز کے اطراف 4 سے زائد افراد کے جمع ہونے پر پابندی عائد ہے، امتحانی مراکز میں امیدوار کے علاوہ کوئی اندر داخل نہیں ہوسکتا۔
- Advertisement -
کمشنر کراچی کا کہنا ہے کہ امتحانی مراکز کے اطراف سیکیورٹی کے سخت انتظامات کئے گئے ہیں، آئی جی سندھ کو نوٹیفکیشن کے ذریعے ہدایت جاری کردی گئی ہے۔
واضح رہے کہ ایم ڈی کیٹ ٹیسٹ میں 41 ہزار سے زائد امیدوار حصہ لے رہے ہیں۔
