site
stats
پاکستان

سیکیورٹی خدشات کے پیش نظر، کراچی میں دفعہ 144 نافذ

کراچی: سیکیورٹی خدشات کے پیش نظر شہر قائد میں 15 روز کے لیے دفعہ 144 نافذ کردی گئی۔

تفصیلات کے مطابق محکمہ داخلہ سندھ کے زیر صدارت اجلاس میں شہرمیں15روزکیلئے دفعہ144نافذ کرنے کا فیصلہ کرتے ہوئے نوٹی فکیشن جاری کردیا گیا۔

محکمہ داخلہ کی جانب سے جاری اعلامیے کے مطابق دفعہ 144کا نفاذ آئی جی سندھ کی سفارش پر کیا گیا اور اس پر عمل درآمد آج رات12بجےسے شروع ہوجائے گا۔

پڑھیں: ’’ سانحہ سہون:‌ خودکش حملہ آور کا سہولت کار گرفتار ‘‘

دفعہ 144 کے تحت اسلحہ ساتھ لے کر چلنے اور جلسے جلوسوں پر پابندی ہوگی جبکہ ایم اے جناح روڈ، تبت سینٹر، نمائش چورنگی اور دیگر علاقوں میں جلسے جلوس اور اجتماعات پر پابندی عائد کی گئی ہے۔

مزید پڑھیں: ’’ سہون دھماکا: ملزمان کہاں‌ سے آئے؟ شواہد مل گئے،وزیراعلیٰ‌ کو بریفنگ ‘‘

یاد رہے سانحہ سہون پر خودکش دھماکے کے بعد ملک بھر میں امن و امان کی صورتحال کو برقرار رکھنے کے لیے سیکیورٹی کے خاطر خواہ اقدامات کیے گئے ہیں جبکہ وزیر اعلیٰ سندھ نے بھی صوبے میں امن و امان کے لیے پولیس کو الرٹ رہنے کی ہدایت کی ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top