اسلام آباد : ملک کے سیاسی درجہ حرارت میں ایک مرتبہ پھر اضافہ ہوگیا ہے، تحریک انصاف پانامہ لیکس کی تحقیقات کیلئے سڑکوں پر آرہی ہے، اسلام آباد ضلعی انتظامیہ نے شہر کے مختلف علاقوں میں دو ماہ کیلیے دفعہ ایک سو چالیس نافذ کردی ہے ۔
تفصیلات کے مطابق حکومت نے پی ٹی آئی کو ٹف ٹائم دینے کا فیصلہ کرلیا ہے اور اسلام آباد کے مختلف علاقوں میں دو ماہ کیلئے دفعہ ایک سو چالیس نافذ کردی ہے، جس کے تحت آتش بازی ، اسلحے کی نمائش کیساتھ ساتھ جلسے جلوسوں پر پابندی عائد ہوگئی۔..
دفعہ ایک سو چوالیس ریڈ زون، ایمبسی روڈ، یونیورسٹی روڑ ، تھرڈ ایونیو ، فورتھ ایونیو سے مری روڈ اور جناح ایونیو سمیت دیگر ملحقہ علاقوں میں لگائی گئی ہے۔
اسلام آباد انتظامیہ کا کہنا ہے کہ یہ پابندی سیکورٹی خدشات کے پیش نظر لگائی گئی ہے جبکہ لاؤڈ اسپیکر کے غلط استعمال پر بھی دوماہ کے لیے پابندی عائد کردی گئی ہے۔
دفعہ ایک سو چوالیس کی خلاف ورزی کرنے والوں سے سختی سے نمٹا جائے گا ۔