کراچی : شہرقائد کے مختلف علاقوں میں حساس اداروں نے کارروائی کے دوران تین دہشت گردوں کو گرفتار کر لیا۔

تفصیلات کے مطابق کراچی کے مختلف علاقوں میں حساس اداروں کی جانب سے کارروائی میں 3 دہشت گرد گرفتارکرلیے گئے، گرفتار دہشت گرد پولیس اہلکاروں کی ٹارگٹ کلنگ میں ملوث ہیں۔

ذرائع کے مطابق گرفتار دہشت گردوں کے قبضے سے پولیس اہلکاروں سے چھینی گئی بندوق بھی برآمد ہوئی ہے۔

دوسری جانب کراچی کےعلاقے سعید آباد صدام چوک کےقریب سی ٹی ڈی کی کارروائی کے دوران ایک ملزم ہلاک جبکہ دوسرا تاریکی کا فائدہ اٹھاتے ہوئے فرار ہوگیا۔

ایس ایس پی سی ٹی ڈی کے مطابق دہشت گرد عمران کاتعلق ایم کیوایم لندن سے تھا ، ملزم پولیس اہلکاروں پرحملےاورمتعددوارداتوں میں ملوث تھا۔

ادھررینجرزکی بھاری نفری نے راشد منہاس روڈ پر واقع لال فلیٹ کے قریب رہائشی عمارت کا محاصرہ کر کے گھر گھر تلاشی کے دوران دو ملزمان کو گرفتار کر لیا، گرفتار ملزمان کا تعلق سیاسی جماعت کے عسکری ونگ سے ہے۔

رینجرز کارروائی، ایم کیوایم لندن کے 3 ٹارگٹ کلرز گرفتار

واضح رہے کہ تین روز قبل کراچی کے مختلف علاقوں میں رینجزرنے کارروائیوں کے دوران ں 3 ٹارگٹ کلرز سمیت تین ڈکیتوں کو رنگے ہاتھوں گرفتار کیا تھا۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔