مرادان : سیکیورٹی فورسز نے کامیاب آپریشن کرتے ہوئے کالعدم ٹی ٹی پی کے انتہائی مطلوب دہشت گرد کو گرفتار کر لیا، دہشت گرد پشاورمیں بڑی کارروائیوں کی منصوبہ بندی کررہا تھا۔
تفصیلات کے مطابق مردان ریجن میں سیکیورٹی فورسز نے کامیاب آپریشن کرتے ہوئے کالعدم ٹی ٹی پی کے انتہائی مطلوب دہشت گرد کو گرفتار کر لیا۔
سیکیورٹی فورسز کے کامیاب آپریشن کے باعث پشاوردہشت گردی کی بڑی کارروائی سے بچ گیا۔
گرفتاردہشت گرد نے دوران تفتیش اہم انکشافات کیے جبکہ ضلع خیبر سے گولہ بارود،خودکش جیکٹس میں استعمال بارودی مواد، ڈیٹونیٹر اور اسلحہ بھی برآمد کرلیا گیا۔
کالعدم ٹی ٹی پی کے دہشت گرد پشاورمیں بڑی کارروائیوں کی منصوبہ بندی کر رہے تھے تاہم کامیاب آپریشن کے بعد دہشت گردی کارروائیوں کوناکام بنا دیا گیا۔
سیکیورٹی فورسزکے کامیاب آپریشن سے دشمن کے عزائم خاک میں مل گئے ، پاک فوج کسی صورت بھی کسی ملک دشمن کوکامیاب نہیں ہونے دے گی اور آخری دہشت گرد کے خاتمے تک پاک فوج کے آپریشن جاری رہیں گے۔
