site
stats
اہم ترین

سیکورٹی فورسز کی بلوچستان میں کارروائی‘ 4 دہشت گرد ہلاک

ISPR

کوئٹہ : صوبہ بلوچستان میں سیکورٹی فورسز نےآپریشن ردالفساد کے تحت کارروائی کے دوران 4 دہشت گردوں کو ہلاک کردیا جبکہ ایک ایف سی اہلکار بھی زخمی ہوا۔

تفصیلات کے مطابق پاک فوج کے شعبہ تعلقات عامہ آئی ایس پی آر کے مطابق آپریشن ردالفساد کے تحت ایف سی نے کوہلو اور ڈیرہ بگٹی میں دہشت گردوں کے خلاف کارروائی کے دوران 4 دہشت گردوں کو ہلاک کر دیا۔

آئی ایس پی آر کی جانب سے جاری بیان میں کہا گیا ہے کہ ایف سی نی کوہلو اور ڈیرہ بگٹی میں دہشت گردوں کے خلاف کارروائی کے دوران دہشت گردوں کے کیمپ بھی تباہ کر دیے۔

آئی ایس پی آر کے مطابق ہلاک دہشت گرد بھتہ خوری، اغوا برائے تاوان اور فورسز پرحملوں میں ملوث تھے۔ دہشت گردوں کے قبضے سے اسلحہ ،ڈیٹونیٹرز اورمواصلاتی آلات برآمد ہوئےہیں۔


مزید پڑھیں:بلوچستان: ایف سی کی کارروائی،2ہزارکلوگرام دھماکاخیز مواد برآمد


یاد رہے کہ ایف سی نے گزشتہ ماہ 31 جولائی کو دہشت گردی کی بڑی کارروائی کو ناکام بناتے ہوئے بلوچستان کے علاقے قلعہ عبداللہ میں کارروائی کے دوران ایک گاڑی سے 2 ہزار کلوگرام دھماکہ مواد برآمد کرکے دو افراد کو گرفتار کیا تھا۔

واضح رہے کہ رواں سال جون میں پاک فوج نے بلوچستان میں آپریشن ردالفساد کے تحت اسپلنجی اور مستونگ میں کارروائی کرتے ہوئے 12 دہشت گردوں کو ہلاک کرنے کے علاوہ بھاری مقدار میں اسلحہ بھی برآمد کیا تھا۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top