خیبر پختونخوامیں سیکیورٹی فورسز نے مختلف کارروائیوں میں دہشت گردی میں ملوث 9 بھارتی اسپانسرڈ دہشت گردوں کو ہلاک کردیا۔
اے آر وائی نیوز کے مطابق آئی ایس پی آر کی جانب سے جاری بیان میں بتایا گیا کہ ڈی آئی خان میں فورسز نے انٹیلی جنس بیسڈ آپریشن میں 4 بھارتی اسپانسرڈ خوارج کو ہلاک کیا، ٹانک میں آپریشن کے دوران 2 مزید خوارج واصلِ جہنم ہوئے۔
خضدار بس حملے میں مزید 2 طالبات دم توڑ گئیں، شہید بچوں کی تعداد 8 ہوگئی
آئی ایس پی آر نے بتایا کہ خیبرکے علاقے باغ میں 3 بھارتی سرپرست یافتہ دہشت گرد ہلاک ہوئے، آپریشنز میں خوارج کے قبضے سے اسلحہ اور گولہ بارود برآمد کیا گیا۔
ہلاک دہشت گرد متعدد دہشت گردی کی کارروائیوں میں ملوث تھے، سیکیورٹی فورسز کی جانب سے علاقے میں کلیئرنس آپریشن جاری ہے۔
آئی ایس پی آر نے جاری بیان میں بتایا کہ فورسز کا بھارتی سرپرستی میں ہونے والی دہشتگردی کے خلاف عزم برقرار ہے، فورسز بھارتی سرپرستی میں ہونے والی دہشتگردی کے خاتمے کیلئے پُرعزم ہیں۔
سیکیورٹی فورسز کی باجوڑ میں کارروائی، دہشت گردوں کا بڑانیٹ ورک تباہ
