راولپنڈی: سکیورٹی فورسز نے ڈی آئی خان میں کارروائی کرتے ہوئے ایک دہشتگرد کو ہلاک کر کے ہتھیار اور گولیاں برآمد کر لیں۔
فو کے شعبہ تعلقات عامہ (آئی ایس پی آر) کے مطابق سکیورٹی فورسز نے کلاچی میں آپریشن کیا اور اس دوران فائرنگ شدید تبادلے میں ایک دہشتگرد ہلاک جبکہ دوسرا زخمی ہوگیا۔
آئی ایس پی آر کے مطابق فورسز نے دہشتگردوں کی موجودگی کی اطلاع پر آپریشن کیا، کارروائی کے دوران ہتھیار اور گولیاں بھی برآمد کر لی گئیں۔
ہلاک دہشتگرد سکیورٹی فورسز پر حملوں اور بے گناہ شہریوں کے قتل میں ملوث تھا۔ مقامی لوگوں نے دہشتگردی کے خاتمے کیلیے سکیورٹی کے ساتھ تعاون کا عزم کیا۔
خیال رہے کہ رواں سال جولائی میں سکیورٹی فورسز نے اسی علاقے میں آپریشن کے دوران تین دہشتگردوں کو ہلاک کر کے ہتھیار اور گولیاں برآمد کی تھیں۔
تینوں ہلاک دہشتگرد سکیورٹی فورسز، پولیس اور شہریوں پر حملوں میں ملوث تھے جبکہ پانچ پولیس اہلکاروں کی شہادت و دیگر واقعات میں مطلوب تھے۔
