کراچی: کلفٹن میں سیکیورٹی گارڈ کے قتل میں ملوث ملزمان گارڈن پولیس مقابلے میں ہلاک ہو گئے۔
اے آر وائی نیوز کے مطابق گارڈن میں پولیس مقابلے میں 2 ملزمان کی ہلاکت کے سلسلے میں ایس ایس پی ساؤتھ ساجد سدوزئی نے کہا ہے کہ ہلاک ملزمان کلفٹن میں سیکیورٹی گارڈ کے قتل میں ملوث نکلے ہیں۔
ایس ایس پی کے مطابق دونوں ملزمان کو واقعے کے عینی شاہد نے شناخت کر لیا ہے، ملزمان سمیر اور صلال نے چند روز قبل سیکیورٹی گارڈ کو قتل کیا تھا، دونوں ملزمان سیکیورٹی گارڈ کے قتل کے وقت موقع پر موجود تھے، سی سی ٹی وی میں بھی ملزمان کی موجودگی کی تصدیق ہو رہی ہے۔
- Advertisement -
پولیس نے ملزمان سے پستول اور موٹر سائیکل برآمد کی ہے، پولیس ریکارڈ کے مطابق دونوں ملزمان عادی جرائم پیشہ ہیں، ماضی میں بھی جیل جا چکے ہیں۔
