واشنگٹن: امریکا میں سال نو کی آمد کے پیش نظر سیکیورٹی کو ہائی الرٹ کردیا گیا، مشکوک افراد کی مونیٹرنگ کے لیے جدید ٹیکنالوجی کا استعمال کیا جارہا ہے۔
تفصیلات کے مطابق ایک جانب نئے سال کی آمد پر جشن کی تیاریاں عروج پر ہیں تو دوسری جانب امریکا میں سیکیورٹی بھی ہائی الرٹ کردی گئی ہے۔
امریکی میڈیا کا کہنا ہے کہ مشکوک افراد کی مانیٹرنگ کے لیے پہلی مرتبہ ڈرونز ٹیکنالوجی استعمال کی جارہی ہے، جبکہ سیکیورٹی اہلکار کسی بھی قسم کے ناخوشگوار واقعے سے نمٹنے کے لیے تیاری ہیں۔
نیویارک پولیس کمشنر نے پریس کانفرنس میں بتایا کہ ٹائم اسکوائر پر نئے سال کے جشن کے موقع پر شرپسند عناصر پر نظر رکھنے کیلئے پہلی مرتبہ ڈرونز کا استعمال کیا جائے گا۔
انہوں نے کہا کہ جو عوام کے سروں پر نہیں اڑیں گے بلکہ بلند وبالا عمارتوں کے درمیان سے مانٹیرنگ کریں گے۔
پولیس کمشنر کا مزید کہنا تھا کہ کسی بھی ناخوشگوار واقعے سے نمٹنے کیلئے سیکیورٹی کی اضافی نفری کے علاوہ بم ڈسپوزل اسکواڈ بھی موجود رہے گا۔
ہر سال لاکھوں افراد سال نو کا جشن منانے ٹائم اسکوائر کا رخ کرتے ہیں۔