کراچی: مون سون کے تیسرے اسپیل کے تحت کراچی ایئرپورٹ پر حفاظتی اقدامات مکمل کر لیے گئے۔
تفصیلات کے مطابق سول ایوی ایشن اتھارٹی نے مون سون کے تیسرے اسپیل کے تحت جناح انٹرنیشنل ایئرپورٹ پر الرٹ جاری کر دیا۔سی اے اے عملے کو کسی بھی صورت حال سے نمٹنے کے لیے اقدامات کرنے کی ہدایت کی گئی ہے۔
سول ایوی ایشن اتھارٹی کی جانب سے جاری الرٹ کے بعد بارش کی پیشگوئی پر جناح ٹرمینل اور ٹرمینل ون پر ضروری اقدامات کر لیے گئے۔ سی اے اے نے چھوٹے طیاروں اور ہیلی کاپٹرز کے ساتھ اضافی وزن لگانے کی ہدایت کی ہے۔
ایئرپورٹ مینجر کا کہنا ہے کہ کچھ طیاروں کو ہواؤں کی شدت سے بچانے کے لیے ہینگر میں منتقل کیا جا رہا ہے،طیاروں کی حفاظت کے پیش نظر ہر قسم کے پروسیجر لیے گئے ہیں۔
کراچی میں طوفان اور بارش کا خطرہ، ایئرپورٹ پر حفاظتی انتظامات مکمل
اس سے قبل رواں ماہ 5 جولائی کو سول ایوی ایویشن نے تیزبارشوں کے پیش نظر اور مٹی کے طوفان سے طیاروں و مسافروں کو بچانے کےلیے ایئرپورٹ پر حفاظتی انتظامات مکمل کیے تھے۔
