The news is by your side.

Advertisement

سینیٹ میں سوشل میڈیا پر گستاخانہ مواد کے خلاف متفقہ قرارداد منظور

اسلام آباد : سینیٹ میں سوشل میڈیا پر گستاخانہ مواد کے خلاف متفقہ قرارداد منظورکرلی گئی ہے۔

تفصیلات کے مطابق سینیٹ میں گستاخانہ مواد کے خلاف قرارداد اتفاق رائے سے منظور کر لی گئی، قرار داد مسلم لیگ ق کی جانب سے پیش کی گئی، جس میں کہا گیا ہے کہ سوشل میڈیا پر توہین آمیز مواد اپ لوڈ کرنے والے پاکستان میں بحران کیلئے کوشاں ہیں، ان کے خلاف سخت کارروائی کی جائے۔

قرار داد میں کہا گیا کہ پاکستان کا قانون ناموس رسالت، ناموس انبیاء اور ناموس صحابہ کو تحفظ دیتا ہے اور ہم توہین رسالت کی اجارت نہیں دے سکتے، حالیہ دنوں میں کچھ عناصر نے قانون کی دھجیاں بکھیرتے ہوئے شان رسالت میں گستاخی کی، حکومت ایسے گستاخانہ مواد کو روکے، گستاخانہ مواد پھیلانے والے اور ان کے سہولت کاروں کو نشان عبرت بنادیں۔


مزید پڑھیں : ایف آئی اے کے فیس بک پر گستاخانہ مواد اپ لوڈ کرنے والوں کی نشاندہی کے لیے اشتہار جاری


دوسری جانب گستاخانہ مواد پر اسلام آباد ہائی کورٹ کے حکم پر ایف آئی اے نے بھی کارروائی کا آغازکردیا ، ملزمان کی نشاندہی میں مدد کے لئے اشتہار جاری کردیا گیا۔

اشتہار میں عوام سے اپیل کی گئی ہے کہ ایسے عناصر جو گستاخانہ کارروائیوں میں ملوث سے متعلق ایف آئی اے کو آگاہ کریں۔ مونٹاج گستاخانہ مواد جاری کرنے والوں کے خلاف ٹھوس معلومات اور ثبوت سائبر کرائم سیل کو مہیا کریں۔

Print Friendly, PDF & Email

Comments

comments

یہ بھی پڑھیں