ملتان: چیئرمین سینیٹ اور قائم مقام صدر یوسف رضا گیلانی کو دھمکی آمیز میسج بھیجنے والے 2 ملزمان کو گرفتار کرلیا گیا ہے۔
تفصیلات کے مطابق سی پی او کا کہنا تھا کہ میسج بھیجنے والوں کا کسی تنظیم یا گروہ سے تعلق نہیں ہے، ذاتی دشمنی پر ایک شخص کو پھنسانے کے لیے اس کی سم سے چیئرمین سینیٹ کو دھمکی آمیز میسج کیا گیا۔
نواز نے اپنے کزن الطاف کے خلاف موٹرسائیکل چوری کا مقدمہ درج کرایا، پولیس جب الطاف کو گرفتار کرنے آئی تو نواز نے الطاف کی سم نکال لی۔
- Advertisement -
سی پی او نے بتایا کہ الطاف کی سم سے چیئرمین سینیٹ کو دھمکی آمیز میسج کیا گیا، پولیس نے دونوں ملزمان نواز اور نعمان کو گرفتار کرلیا ہے۔
