The news is by your side.

Advertisement

چیئرمین سینیٹ کے انتخاب سے قبل یوسف رضا گیلانی کا بڑا دعویٰ

اسلام آباد : چیئرمین سینیٹ کے امیدوار یوسف رضاگیلانی نے نمبرز پورے ہونے کا دعویٰ کردیا اور کہا سب کو پتہ ہے ہم جیت چکے ہیں۔

تفصیلات کے مطابق چیئرمین سینیٹ کےامیدواریوسف رضاگیلانی نے پارلیمنٹ ہاؤس کے باہر میڈیا سے گفتگو کی ، اس موقع پر صحافی نے سوال کیا کہ حکومت کے پاس نمبرپورے تھے لیکن آپ سینیٹر منتخب ہوگئے کیسے، جس پر یوسف رضاگیلانی نے کہا حکومت کی اس وقت پوزیشن مختلف تھی اور حکومت طاقت میں تھی۔

یوسف رضاگیلانی کا کہنا تھا کہ مٹی کا بھی وزیر اعظم ہو کسی کو ہلنے نہیں دیتا، وزیر اعظم، ممبران پارلیمنٹ میں بہت فاصلہ تھا جسکا فائدہ ہمیں ہوا، جب میں وزیر اعظم تھا تو طلبا کے وفودپارلیمان کی کارروائی دیکھتے تھے۔

یوسف رضا گیلانی نے نمبرز پورے ہونے کا دعویٰ کرتے ہوئے کہا سب کو پتہ ہے ہم جیت چکے ہیں ، میری جیت سے جمہوریت کو فروغ ملے گا۔

خیال رہے ایوان بالا میں چیئر مین اور ڈپٹی چیئرمین کا انتخاب آج ہوگا ، چیئر مین سینیٹ کیلئے حکومتی امیدوار صادق سنجرانی اور اپوزیشن کے امیدوار یوسف رضا گیلانی جبکہ ڈپٹی چیئرمین سینیٹ کے لیے پی ڈی ایم کے عبد الغفور حیدری اور حکومت کے مرزا محمد آفریدی میں کانٹے کا مقابلہ متوقع ہیں۔

چیئرمین سینیٹ بننےکےلیےکم ازکم 51ووٹ درکار ہیں ، نمبر گیم میں اپوزیشن اکیاون ووٹ کے ساتھ آگے ہے اور حکومتی اتحاد کے پاس اڑتالیس ووٹ ہیں جبکہ جماعت اسلامی نے اکلوتا ووٹ کسی کونہ دینے کا اعلان کیا ہے۔

Comments

یہ بھی پڑھیں