The news is by your side.

Advertisement

سینیٹ الیکشن: نون لیگ نے یوسف رضا گیلانی کی حمایت کا اعلان کردیا

اسلام آباد: سینیٹ الیکشن سے قبل ہی پی ڈیم ایم کے پلیٹ فارم سے پیپلز پارٹی کو بڑی خوشخبری ملی ہے، جہاں نون لیگ نے سابق وزیراعظم یوسف رضا گیلانی کی حمایت کا اعلان کردیا ہے۔

تفصیلات کے مطابق مسلم لیگ نون نے اسلام آباد کی جنرل نشست سے یوسف رضاگیلانی کی حمایت کا اعلان کردیا ہے، اعلان سے قبل سابق وزیر اعظم شاہد خاقان عباسی نے یوسف رضاگیلانی سےملاقات کی، ملاقات میں پی ڈی ایم کے متفقہ امیدوار یوسف رضاگیلانی کےکاغذات نامزدگی کے معاملےپر مشاورت ہوئی۔

بعد ازاں سابق وزیراعظم یوسف رضا گیلانی نے اپنے کاغذات نامزدگی جمع کرائے، یوسف رضا گیلانی کےتجویزوتائید کنندگان میں دو سابق وزرائےاعظم شامل ہوئے، پی پی پی پرویزاشرف یوسف رضاگیلانی کی جانب سے سینیٹ میں کاغذات نامزدگی کےتجویز کنندہ بنے جبکہ شاہدخاقان عباسی یوسف رضا گیلانی کے کاغذات نامزدگی کےتائیدکنندہ تھے۔

کاغذات نامزدگی جمع کرانے کے بعد میڈیا سے گفتگو کرتے ہوئے یوسف رضا گیلانی کا کہنا تھا کہ پی ڈی ایم کی قیادت کا مشکور ہوں جنہوں نے مجھے متفقہ امیدوار بنایا اگر ہم کامیاب ہوئےتو قومی اسمبلی اور سینیٹ میں فرق دکھادیں گے۔

سابق وزیراعظم کا کہنا تھا کہ پی ڈی ایم کے تمام فیصلے ایک دوسرے کی رائےکے ساتھ ہوتے ہیں، ہم نے پی ڈی ایم پلیٹ فارم سے تمام فیصلے متفقہ طورپر کئے ہیں۔

یہ بھی پڑھیں:  تحریک انصاف نے سینیٹ امیدواروں کیلئے مزید نام فائنل کرلیے

میڈیا سے گفتگو میں یوسف رضاگیلانی کا کہنا تھا کہ آئین کے دائرے میں رہ کرک ام کرینگےتو کوئی تصادم نہیں ہوگا، پی ٹی آئی رہنما جہانگیرترین سے متعلق پوچھے گئے سوال پر پی پی پی رہنما کا کہنا تھا کہ جہانگیرت رین میرے عزیز ہیں، ان سے متعلق کوئی بات نہیں کی۔

Comments

یہ بھی پڑھیں