اسلام آباد : الیکشن کمیشن آف پاکستان سینیٹ الیکشن کا شیڈول 11فروری کو جاری کرے گا اور ایک امیدوار کیلئےانتخابی اخراجات کی حد 15لاکھ روپےمقرر کردی ہے۔
تفصیلات کے مطابق الیکشن کمیشن آف پاکستان کی جانب سے بیان میں کہا گیا ہے کہ سینیٹ الیکشن کا شیڈول 11فروری کو جاری ہوگا، متوقع امیدواروں کیلئے کاغذات نامزدگی فراہمی کا آغازآج سے کردیا گیا ہے۔
الیکشن کمیشن کا کہنا تھا کہ کاغذات مرکزوچاروں صوبائی سیکریٹریٹ سےحاصل کئےجاسکتےہیں، امیدوارکاغذات نامزدگی جمع کراتےوقت پارٹی ٹکٹ منسلک کریں،ا آزاد امیدوار پارٹی ٹکٹ منسلک کرنے سےمبراہے۔
الیکشن کمیشن کے مطابق امیدوارانتخابی اخراجات کیلئےشیڈول بینک اکاؤنٹس کااجراکریں، ایک امیدوار کیلئےانتخابی اخراجات کی حد 15لاکھ روپے مقرر ہے۔
خیال رہے سینیٹ انتخابات 48 نشستوں پر ہوں گے، جن میں پنجاب سندھ میں 11 گیارہ، بلوچستان خیبر پختونخواہ میں 12 بارہ نشستوں پر ووٹنگ ہوگی جبکہ اسلام آباد کی دو سینیٹ نشستوں پر پولنگ ہوگی۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں