راولپنڈی : ڈی جی آئی ایس پی آر میجر جنرل آصف غفور نے کہا ہے کہ امریکی سینیٹر جان مکین کی قیادت میں پانچ رکنی وفد نے جنوبی وزیر ستان کے سرحدی علاقوں کا دورہ کیا۔
پاک فوج کے شعبہ تعلقات عامہ نے کہا ہے کہ امریکی وفد نے دہشت گردی کے خلاف جنگ میں پاکستان کی قربانیوں کا اعتراف کیا جب کہ پاک افغان بارڈر سیکورٹی کی اہمیت پر بھی زور دیتے ہوئے پاکستانی فوج کی جانب سے کیے گئے سیکیورٹی اقدامات کو سراہا۔
ڈی جی آئی ایس پی آر میجر جنرل آصف غفور نےسماجی رابطے کے ویب سائٹ ٹوئٹر پر اپنے ایک پیغام میں بتایا کہ امریکی سینٹ کی آرمڈ کمیٹی کے وفد نے سینیٹر جان مکین کی قیادت میں چیف آف آرمی سٹاف جنرل قمر جاوید باجوہ کے ہمراہ جنوبی وزیرستان کا دورہ کیا۔
اس موقع پرمقامی کمانڈرنے وفد کو پاک افغان بارڈر کی سیکورٹی کی صورت حال ، اس کی اہمیت اور سیکورٹی کو بہتر بنانے کے لئے کئے جانے والے اقدامات کے بارے میں بریفنگ دی گئی اوروفد کو جنوبی وزیر ستان میں پاک افغان بارڈ کا فضائی دورہ بھی کرایا گیا۔
US delegation acknowledged and appreciated Pak Army's success and socio-economic uplift efforts. COAS thanked US for their support. (2 of 2) pic.twitter.com/eXACLpBqb4
— Maj Gen Asif Ghafoor (@OfficialDGISPR) July 3, 2017
فضائی دورے کے دوران جنوبی وزیرستان میں پاک فوج کی جانب سے تعمیر کی گئی چیک پوسٹیں، سڑکیں، اسکول، کالج، کھیلوں کے اسٹیڈیم، واٹر سپلائی منصوبے اور انفراسٹریکچر کے منصوبے بھی امریکی وفد کو دکھائے گئے اور مزید ترقیاتی پروجیکٹس سے آگاہ کیا گیا۔
US Senate delegation under Senator John McCain met COAS."Pak has done its best for regional peace & stability despite constraints"COAS(1of2) pic.twitter.com/AE4iu3INQJ
— Maj Gen Asif Ghafoor (@OfficialDGISPR) July 2, 2017
واضح رہے کہ امریکی وفد گذشتہ روز پاکستان پہنچا تھا جہاں مشیر خارجہ سرتاج عزیز سے ملاقات کے بعد امریکی سینیٹرز نے چیف آف آرمی سٹاف جنرل قمر جاوید باوجوہ سے ملاقات کی تھی اور دہشت گردی کے خاتمے کے لیے پاکستان کے کردار کو سراہا تھا۔
US Delegation acknowledged Pak's sacrifices & contributions in WoT. Senators agreed on importance of Pak-Afg security coop & coord.(2 of 2). pic.twitter.com/H0x3k1rtOu
— Maj Gen Asif Ghafoor (@OfficialDGISPR) July 2, 2017
خیال رہے آج جنوبی وزیرستان کے دورے سے پہلے امریکی وفد نے وزیراعظم پاکستان میاں محمد نواز شریف سے بھی ملاقات کی ہے۔
