ہفتہ, مئی 25, 2024
اشتہار

صدر عارف علوی کا بل پر مشروط دستخط کرنے کا بیان افسوسناک ہے، شیری رحمان

اشتہار

حیرت انگیز

اسلام آباد: سینیٹر شیری رحمان نے کہا ہے کہ صدر عارف علوی کا بل پر مشروط دستخط کرنے کا بیان افسوسناک ہے۔

وفاقی وزیر اور سینیٹر شیری رحمان نے ٹوئٹ میں لکھا ہے کہ سپریم کورٹ پریکٹس اینڈ پروسیجربل سینیٹ میں پیش ہو رہا ہے، بارکونسلز، قانونی ماہرین نے نئی قانون سازی کو مثبت قرار دیا ہے۔

- Advertisement -

انہوں نے کہا کہ قانون سازی پارلیمان کاحق اورذمہ داری ہے، اس بل سے کسی کے اختیار کو محدود نہیں کیا گیا نا ہی شخصی اختیارات کو عدالتی اختیار میں تبدیل کیا ہے۔

شیری رحمان نے ٹوئٹ میں لکھا کہ صدر عارف علوی کا بل پر مشروط دستخط کرنے کا بیان افسوسناک ہے، صدر پی ٹی آئی کارکن بن کر پارٹی پالیسی کا دفاع کرنے لگ جاتے ہیں، بل قوائدوضوابط اور آئینی طریقہ کار کے مطابق پاس کیا گیا ہے۔

سینیٹر شیری رحمان نے مزید کہا کہ بل کو پارلیمانی قوائد و ضوابط کی خلاف ورزی کر کے بلڈوز نہیں کیاگیا، ہماری جماعت آئین اور 18ویں ترمیم پاس کرانے والی جماعت ہے۔

انہوں نے مزید کہا کہ صدر عارف علوی تحریک انصاف کے رہنما ہیں، وہ ہمیں قانون سازی اور مشاورت کا طریقہ کار نہ سکھائیں۔

Comments

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں