اسلام آباد: وفاقی وزیر ماحولیاتی تبدیلی شیری رحمٰن نے کہا کہ عمران خان قانونی عدالتی کارروائی کو روکنے کے لئے ہر بار کارکنان کے پیچھے چھپ جاتے ہیں۔
سینیٹر و وفاقی وزیر ماحولیاتی تبدیلی شیری رحمٰن نے کہا کہ قانون کی حکمرانی کی بات کرنے والےگرفتاری سے بچنے کیلئے جھوٹ بولا کہ وہ گھر پر نہیں، گرفتاری سے اتنے خوفزدہ ہیں کہ ذاتی طور پر پولس سے عدالتی نوٹس بھی وصول نہیں کرتے ہیں۔
انہوں نے کہا کہ یہ وہی شخص ہےجس نے ماضی میں تمام سیاسی مخالفین کو انتقام کیلئے جیل بھیجا، آصف زرداری و دیگر تمام سیاستدانوں نے من گھڑت کیسز میں جرات سے گرفتاری دی تھی۔
قانون کی حکمرانی کی بات کرنے والے عمران خان نے گرفتاری سے بچنے کیلئے جھوٹ بولا کہ وہ گھر پہ نہیں۔ یہ وہی شخص ہیں جس نے ماضی میں تمام سیاسی مخالفین کو انتقام کیلئے جیل بھیجا۔ آصف علی زرداری اور دیگر تمام سیاستدانوں نے من گھڑت کیسز میں جرأت اور حوصلے سے گرفتاری دی۔ 1/3 pic.twitter.com/ddWuDmui3j
— SenatorSherryRehman (@sherryrehman) March 6, 2023
لیکن عمران خان قانونی، عدالتی کارروائی کو روکنے کے لئے ہربار کارکنان کے پیچھے چھپ جاتے ہیں، گرفتاری سے بچنے کیلئے زمان پارک میں چھپ گئے، پولس کو خالی کمرہ دکھادیا۔
شیری رحمان نے ٹوئٹ میں کہا کہ پولیس کے جانے بعد باہر آئے، قوم اور کارکنان کو قانون کی حکمرانی اور اخلاقیات پر لیکچر دیا، پوری قوم کیلئے الگ اور اپنے لئے الگ قانون اور انصاف کا مطالبہ کرتے ہیں، عدالتی،پولیس کارروائی میں رکاوٹ ڈالنے اور جھوٹ بولنے پر عدالت سخت نوٹس لے۔
