لاہور: 33 کروڑ روپے کی کرپشن میں ملوث محکمہ صحت کا سینئر کلرک گرفتار کر لیا گیا۔
تفصیلات کے مطابق اینٹی کرپشن پنجاب نے محکمہ صحت کے ایک سینئر کلرک محمد نواز کو بڑی کرپشن پر راجن پور سے گرفتار کر لیا۔
محمد نواز نے بطور سینئر کلرک سی ای او ہیلتھ آفس راجن پور میں کرپشن کی، محمد نواز پر الزام ہے کہ انھوں نے ادویات کی خریداری میں لوکل کمپنیوں کا انتخاب کیا اور بھاری کمیشن وصول کی۔
- Advertisement -
اینٹی کرپشن کے مطابق 2012 میں طبی آلات کی فرضی خریداری سے بھی محمد نواز نے قومی خزانے کو 5 کروڑ کا نقصان پہنچایا۔
اینٹی کرپشن کا کہنا ہے کہ کلرک محمد نواز نے سی ای او ہیلتھ راجن پور کی ملی بھگت سے 50 لاکھ روپے کی کرپشن کی، فرنیچر کی خریداری میں ملزم نے سرکار کو 25 لاکھ روپے کا چونا لگایا۔
