لاہور : گورنمنٹ ٹیچنگ اسپتال کے سینئرمیڈیکل افسر کا خاتون ملازمہ کو ہراساں کرنے کا واقعہ سامنے آیا ، متاثرہ خاتون نے مقدمہ درج کرادیا۔
تفصیلات کے مطابق صوبائی دارلحکومت لاہورمیں جناح اسپتال کےبعد ایک اورسرکاری اسپتال کے ڈاکٹر کا اسکینڈل منظرعام پر آگیا، گورنمنٹ ٹیچنگ اسپتال کے سینئرمیڈیکل افسر نے خاتون ملازمہ کوہراساں کرنے کی کوشش کی۔
خاتون کو ہراساں اور تشدد کرنے کا مقدمہ تھانہ شاہدرہ میں درج کرلیا گیا ہے ، پولیس نےلڑکی کی درخواست پرمقدمہ درج کیا۔
متاثرہ خاتون کا کہنا ہے کہ ایس ایم اونے گزشتہ روز مجھے کمرے میں بلایا اور ہراساں کیا، روکنے پرمیرے کپڑے پھاڑ دیئے اورشدید زدو کوب کیا۔
متاثرہ خاتون نے بتایا ڈاکٹرشہباز نے مجھ سے زیادتی کی کوشش کی، مذکورہ ڈاکٹر کرپشن کےالزام میں معطل رہ چکا ہے۔
گذشتہ روز ایف آئی اے نے لاہور میں کارروائی کرتے ہوئے نرسز اور لیڈی ڈاکٹرز کی نازیبا ویڈیو بنانے والے ڈاکٹر کو گرفتار کرلیا تھا۔
