لاہور : مسلم لیگ ن کے اہم رہنما نے پارٹی اور سیاست چھوڑنے کا اعلان کردیا اور کہا پاکستان میں سیاست صرف جھوٹ پرمبنی ہے۔
تفصیلات کے مطابق ن لیگی رہنما عباس آفریدی نے نجی ٹی وی چینل کے پروگرام میں گفتگو کرتے ہوئے کہا کہ نوازشریف سیاست چھوڑچکے،میری سیاست نوازشریف تک تھی، ن لیگ اور سیاست چھوڑ رہا ہوں۔
عباس آفریدی نے بتایا کہ کسی پارٹی میں نہیں جارہا،سیاست میں بھی حصہ نہیں لوں گا۔
- Advertisement -
ن لیگی رہنما کا کہنا تھا کہ نوازشریف لیڈر ہیں اور پارٹی صدرہیں لیکن وہ سیاست سےآؤٹ ہوچکے، ان کے ساتھ دوستی ہےاوروہ رہے گی۔
پاکستان میں سیاست صرف جھوٹ پرمبنی ہے، جوجھوٹ بولے گا، منافق یا چاپلوس ہوگا وہ پاکستان میں سیاست کرسکتا ہے۔
