The news is by your side.

Advertisement

‏’حجاج اور معتمرین کا جداگانہ نظام جلد جاری ہوگا‘‏

سعودی نائب وزیرحج نے کہا ہے کہ عمرہ اور حج والوں کیلئےجلد جداگانہ نظام جاری کیا جائے ‏گا۔

عرب میڈیا کے مطابق سعودی نائب وزیرح و عمرہ ڈاکٹر عبدالفتاح مشاط نے کہا ہے کہ حجاج اور ‏معتمرین کا جداگانہ نظام جلد جاری ہو گا سیکورٹی اور انتظامی ضوابط جاری کیے جائیں گے تاکہ ‏حجاج اور معتمرین کے درمیان مسئلہ نہ ہو۔

انہوں نے کہا کہ حج درخواستوں کی جانچ مشینی نظام کے ذریعے ہوئی ہے اس میں کسی قسم ‏کی گڑبڑ نہیں ہوئی، حج میں تمام پابندیاں ریڈنشان ہیں اس میں خلاف ورزی ممکن نہیں۔ ‏

نائب وزیر کا کہنا تھا کہ عمرہ زائرین کی مقرر کردہ تعداد میں کمی بیشی نہیں کی گئی ان کی ‏تعداد جتنی تھی اتنی ہی ہے۔

سعودی عرب کی وزارت حج و عمرہ کو 5 لاکھ سے زائد ‏درخواستیں موصول ہوئی تھیں، جن میں ‏سے 60 ہزار کا انتخاب کیا گیا ہے۔

وزارت حج و عمرہ کی جانب سے خوش نصیب افراد کی درخواستیں قبول کی گئیں، انہیں وزارت ‏کی جانب سے کرونا ویکسین کی دوسری خوراک لگوانے کی ہدایت جاری کردی گئی ہیں۔

سعودی وزارت حج و عمرہ کی جانب سے اہم اعلان کرتے ہوئے کہا گیا کہ مزید کسی اجازت نامے ‏کے بغیر 48 گھنٹے میں دوسری خوراک لگوالی جائے۔

وزارت نے واضح کیا ہے کہ حج کا انتخاب پہلے آؤ پہلے پاؤ کےاصول پر نہیں ہوگا بلکہ حج کا ‏‏انتخاب صحت، ضوابط اور مقررہ نظام کےمطابق ہوگا۔

Comments

یہ بھی پڑھیں