عالمی شہرت یافتہ سابق امریکی ٹینس اسٹار سرینا ولیمز کے گھر ننھی پری کی آمد ہوئی ہے۔
غیرملکی خبررساں ادارے کی رپورٹ کے مطابق سابق امریکی ٹینس اسٹار سرینا ولیمز کے گھر دوسری بیٹی کی پیدائش ہوئی ہے، سرینا کی صاحبزادی کا نام ’اڈیرا ریورر‘ رکھا گیا ہے۔
سرینا کے شوہر الیکسز اوہنیان نے سوشل میڈیا پر بیٹی کی پیدائش کی اطلاع دی۔
سرینا ولیمز کے شوہر نے بتایا کہ بیٹی اور اہلیہ دونوں صحت مند اور خیریت سے ہیں، واضح رہے کہ سرینا کی بڑی بیٹی کی عمر پانچ سال ہے۔
سابق امریکی ٹینس اسٹار کو مداحوں کی جانب سے بیٹی کی پیدائش پر مبارک باد دی جارہی ہے۔
واضح رہے کہ سرینا ولیمز اور اوہانیان 2017 میں شادی کے بندھن میں بندھے تھے اور اسی سال ان کے ہاں بیٹی کی پیدائش ہوئی تھی جس کا نام الیکسز اولمپیا اوہانیان جونیئر رکھا گیا تھا۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں