The news is by your side.

Advertisement

چھت پر سوئے افراد کو قتل کرنے والا سیریل کلر گرفتار

گوجرانوالہ: اے آر وائی نیوز کی خبر پر ایکشن لیتے ہوئے گوجرانوالہ پولیس نے سائیکو کلر کو گرفتار کر لیا جو چھت پر سوئے افراد کو جان سے مار دیتا تھا۔

تفصیلات کے مطابق پنجاب کے شہر گوجرانوالہ میں تھانہ پیپلز کالونی کی حدود میں مبینہ طور پر سلسلہ وار قتل کا انکشاف ہوا تھا، معلوم ہوا کہ نامعلوم قاتل چھت پر سوئے افراد کو سر پر اینٹیں مار کر انھیں قتل یا شدید زخمی کر کے بھاگ جاتا تھا۔

ان وارداتوں سے علاقے میں سخت خوف و ہراس پھیل گیا تھا، گزشتہ روز اے آر وائی نیوز نے یہ خبر چلائی تو پولیس حرکت میں آ گئی اور سیریل کلنگ کا ڈراپ سین ہو گیا، پولیس نے قاتل کو گرفتار کر لیا۔

پولیس نے میڈیا کو بتایا کہ ملزم ارسلان 4 ماہ سے چھت پر سوئے افراد کو قتل کر رہا تھا، ملزم چھت پر سوئے افراد کو اینٹ مار کر قتل کر دیتا تھا، ملزم نے چار ماہ میں 2 خواتین سمیت 6 افراد کو قتل اور 10 کو زخمی کیا ہے۔

پولیس کا کہنا ہے کہ سلسلہ وار قتل کے واقعات 12 اپریل سے 5 اگست کے درمیان پیش آئے ہیں، مختلف وارداتوں کے 5 مقدمات تھانہ پیپلز کالونی میں درج ہوئے، جب کہ 2 واقعات کے مقدمات پولیس اسٹیشن میں رپورٹ نہیں ہوئے۔

پولیس رپورٹ کے مطابق جاں بحق افراد میں محمد بوٹا، آصف جمیل، تنزیلہ، شفیق اور نصرت بی بی شامل ہیں۔ پولیس کا کہنا ہے کہ گرفتار ملزم سے تفتیش کی جا رہی ہے کہ وہ یہ وارداتیں کیوں کر رہا تھا۔

ملزم کے بارے میں معلوم ہوا ہے کہ وہ پہلے بھی قتل کے جرم میں جیل جا چکا ہے، یہ معلوم نہیں ہو سکا ہے کہ کیا سفاک قاتل کوئی ذہنی مریض ہے۔

fb-share-icon0
Tweet 20

Comments

comments

یہ بھی پڑھیں