کراچی سینٹرل جیل میں قیدیوں نے اپنے وقت کو کارآمد بناتے ہوئے انگریزی، چینی زبان سمیت مختلف کورسز کرلیے۔
اے آر وائی نیوز کے مطابق مختلف جرائم میں قید 248 قیدیوں نے کمپیوٹر لیب میں گرافکس، سی آئی ٹی، انگریزی اور چینی زبان سیکھ کر سب کو حیران کردیا، نمایاں پوزیشن حاصل کرنے والے قیدیوں کو اسناد کے ساتھ ساتھ 25 ہزار روپے انعام بھی دیا گیا۔
ایک قید کا کہنا تھا کہ قتل کے الزام میں جیل آیا یہاں آکر گرافک ڈیزائننگ سیکھی، ایک اور قیدی نے کہا کہ میں یہاں 302 کے الزام میں آیا ہوں، جیل انتظامیہ نے ایسے پروگرام رکھے ہیں جس سے ہم قیدیوں کا بہت فائدہ ہوا ہے۔
منسٹر جیل خانہ جات سندھ علی حسن زرداری کا اس موقع پر حکومت سندھ سے ترقیاتی کاموں کے لیے فنڈ دینے کی بھی درخواست کی۔
ان کا کہنا تھا کہ ہم حکمران نہیں ہیں ان کے مددگار ہیں یہ ہمارے بھائی ہیں سندھ سرکار سے درخواست کررہے ہیں کہ ہمیں فنڈ فراہم کرے ہم دو چار جیلوں کو سولر پر لے گئے ہیں۔
ان کورسز کا مقصد قیدیوں کو معاشرے کا کارآمد شہری بنانے ہے اور قیدیوں نے بھی اپنی لگن سے یہ ثابت کیا کہ لگن سچی ہو تو کوئی بھی انھیں منزل تک پہنچنے سے نہیں روک سکتا۔