صحبت پور : گھر میں مسلح افراد نے فائرنگ کرکے ایک ہی خاندان کے 7 افراد کو قتل کردیا اور گھر کو آگ لگا دی۔
تفصیلات کے مطابق بلوچستان کے علاقے نصیر آباد ڈویژن کے ضلع صحبت پور میں پولیس تھانہ آر ڈی 238کے گوٹھ دوران کھوسہ میں نامعلوم افراد نے علی حسن شیخ کے گھر پر فائرنگ کر دی۔
فائرنگ سے عورتوں بچوں سمیت ایک ہی خاندان کے 7افراد جانبحق ہوگئے۔
نامعلوم افراد نے فائرنگ کے بعد جھونپڑی نما گھر کو آگ لگا دی، جس سے جاں بحق ہونے والے افراد کی لاشیں جھلس گئیں۔
پولیس موقع پر پہنچ کرلاشوں کو تحویل میں لے کر اسپتال منتقل کردیا اور علاقے کی ناکہ بندی کر کے نامعلوم مسلح افراد کی تلاش شروع کر دی ہے۔
پولیس کے مطابق فائرنگ کا واقعہ زمین کے تنازع کے باعث پیش آیا۔
