لاہور: ٹیکسزکی عدم ادائیگی کے سبب لاہور کے پوش علاقوں میں کئی بوتیک بند کردئیے گئے۔
پنجاب ریوینیو اتھارٹی بھی سرگرمِ عمل ہوگئی ہے اور گلبرگ اور ڈی ایچ اے کے پوش علاقوں میں کئی فیشن آؤٹ لٹ بند کردئیے گئے ہیں۔
تفصیلات کے مطابق پی آر اے کی ٹیم نے ایڈیشنل کمشنر عائشہ رانجھا کی سربراہی میں 13 بوتیک سیل کئے ہیں۔
ذرائع کے مطابق تمام بوتیک ٹیکسز کی عدم ادائیگی کی بنا پربند کئے گئے۔
بند کئے گئے بوتیکس میں ندا اضور، عمار بلال، زارا شاہجہاں، ثانیہ مستکیا، منی بندرا، شیریں حسن اور عائشہ عمران شامل ہیں۔
پی آراے کے مطابق مندرجہ بالا بوتیک نے آٹھ کروڑ روپے کے ٹیکسز ادا کرنے ہیں۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں