لانسنگ: امریکی ریاست مشی گن کی ایک یونیورسٹی میں فائرنگ کے نتیجے میں تین شخص ہلاک اور پانچ زخمی ہو گئے ہیں۔
امریکی میڈیا کے مطابق فائرنگ کا واقعہ رات کے وقت پیش آیا، حملہ آور فائرنگ کے بعد فرار ہو گیا تاہم ملزمان کی تلاش جاری ہے۔
یونیورسٹی پولیس کے آفیشل ٹوئٹر ہینڈل پر بتایا گیا ہے کہ دو مقامات پر فائرنگ کی گئی جن میں اکیڈیمک بلڈنگ اور اسپورٹس کی عمارت شامل ہے۔
یونیورسٹی کے ترجمان کا حوالہ دیتے ہوئے تین ہلاکتوں کی تصدیق کی ہے، زخمی ہونے والوں کو ہسپتال منتقل کر دیا گیا ہے۔
دوسری جانب پولیس نے واقعے کے بعد یونیورسٹی میں بنی تمام عمارات کی تلاشی کے بعد انہیں کلیئر قرار دیا ہے۔
پولیس نے یونیورسٹی کے اردگرد رہائشی علاقوں کے مکینوں پر زور دیا ہے کہ وہ اپنے گھروں کے دروازے بند رکھیں اور محفوظ مقامات پر رہیں داتھ ہی پولیس نے یونیورسٹی طلبہ ،اسٹاف کو محفوظ مقام پر پناہ لینے کی ہدایت کی ہے۔
