The news is by your side.

Advertisement

دوران کھیل اسکارف نہ پہننے پر کئی نوعمر لڑکیاں گرفتار

ایران میں پولیس نے اسکیٹ بورڈنگ کے ایونٹ میں اسکارف نہ پہننے پر منتظمین سمیت کئی نوعمر کھلاڑی لڑکیوں کو گرفتار کرلیا ہے۔

برادر اسلامی ملک ایران جہاں عوامی مقامات پر بالغ خواتین کے لیے سر پر حجاب پہننا لازمی ہے وہاں کھیل کے میدان میں اس پابندی کی خلاف ورزی پر کئی لڑکیوں کو گرفتار کرلیا گیا ہے۔

ایران کی سرکاری خبر ایجنسی کے مطابق ملک کے جنوبی شہر شیراز میں مقامی پولیس نے اسکیٹ بورڈنگ میں بغیر سر پر حجاب لیے کھیل میں شرکت کرنے والی نوعمر لڑکیوں اور اس کے منتظمین کو گرفتار کرلیا ہے۔

رپورٹ کے مطابق یہ کارروائی مذکورہ ایونٹ کی سوشل میڈیا پر ویڈیو وائرل ہونے کے بعد لیا گیا ہے جس میں لڑکیوں کو بغیر حجاب اسکیٹنگ کرتے دکھایا گیا تھا۔

اس حوالے سے شیراز پولیس کے چیف فراج شجاعی کا کہنا ہے کہ متعدد لڑکیوں نے کھیلوں کے ایونٹ کے دوران مذہبی تعلیمات اور قانونی اصولوں کا خیال کیے بغیر اپنے حجاب کو ہٹایا اور اس موقع پر منتظمین نے بھی غفلت برتی جس پر یہ کارروائی کی گئی ہے۔

Comments

یہ بھی پڑھیں