The news is by your side.

Advertisement

5 منٹ میں مزیدار سویاں بنانے کی جھٹ پٹ ترکیب

میٹھی سویاں عید کے علاوہ بھی کسی بھی موقع پر کھائی جاسکتی ہیں اور یہ دستر خوان کی رونق میں اضافہ کردیتی ہیں، آج ہم آپ کو نہایت مختصر سے وقت میں مزیدار سویاں بنانے کی ترکیب بتا رہے ہیں۔

اس کے لیے آپ کو مندرجہ ذیل اجزا کی ضرورت ہوگی۔

اجزا

سویاں: 1 پیکٹ

دیسی گھی: 2 چمچ

دودھ: ایک چوتھائی کپ

کنڈینسڈ ملک: 1 کین

زردے کا رنگ: 1 چٹکی

انڈا: 1 عدد

الائچی پاؤڈر: ذرا سا

بادام پستے: حسب ضرورت

ترکیب

سب سے پہلے سویوں کو گھی میں ڈال کر اچھی طرح بھون لیں۔

اب اس میں دودھ شامل کریں، اچھی طرح پکانے کے بعد کنڈینسڈ ملک بھی شامل کردیں۔

زردے کا رنگ ڈالیں۔

ایک انڈے میں الائچی پاؤڈر شامل کریں اور اچھی طرح پھینٹ لیں، انڈے کو سویوں میں شامل کردیں۔

اچھی طرح پکانے کے بعد اسے کھلی ڈش میں نکالیں، بادام پستوں کو بھون کر ان کے اوپر ڈالیں۔

بادام پستہ اچھی طرح پھیلا لیں، جب سویاں ٹھنڈی ہوجائیں تو اس کے چوکور ٹکڑے کریں اور مہمانوں کے سامنے پیش کریں۔

Comments

یہ بھی پڑھیں