ایرانی پاسداران انقلاب نے شام کے دارالحکومت دمشق میں مشیرسیدرضی موسوی کی شہادت کی تصدیق کرتے ہوئے اعلان کیا ہے کہ اسرائیل کو اس کی قیمت چکانی پڑے گی۔
ایرانی پاسداران انقلاب نے بیان میں کہا ہے کہ میجر جنرل کو دمشق کے دیہی علاقےمیں اسرائیلی بمباری میں شہیدکیا گیا۔ سید رضی موسوی شام میں مزاحمتی سپورٹ یونٹ کے انچارج تھے۔
پاسداران انقلاب نے اعلان کیا کہ اسرائیل کو اس قتل کی قیمت چکانا پڑےگی، صہیونی ادارہ شام میں ہمارے ایک فوجی مشیر کو قتل کرنے کے جرم کی قیمت ادا کرے گا۔
Iran has warned that Israel will pay a price for assassinating a senior IRGC military advisor in Syria.
Who was Seyyed Razi Mousavi? pic.twitter.com/0tPRrLnwsR
— Press TV (@PressTV) December 25, 2023
غزہ کے ساتھ ساتھ اطراف کے مسلم ممالک میں بھی اسرائیل کے فضائی حملے جاری ہیں۔ اسرائیلی کی جانب سے شام کی سرزمین پر کیے گئے تازہ فضائی حملے میں ایران کے سینئر اہلکار سید رضی موسوی شہید ہوگئے ہیں۔
سید رضی شام اور ایران کے درمیان فوجی اتحاد کو مربوط کرنے کے ذمہ دار تھے۔ سیدرضی موسوی جنرل قاسم سلیمانی کے قریبی ساتھی سمجھے جاتے تھے۔
قابل ذکر بات یہ ہے کہ جنرل قاسم سلیمانی کو 2020 میں عراق میں امریکی ڈرون حملے میں شہید کیا گیا تھا۔
