اسلام آباد : وزیراعظم عمران خان نے قوم کو شب برات کی مبارکباد دیتے ہوئے کہا اللہ پاک ہم پر رحم فرمائیں اور ہمیں امن و خوشحالی سے نوازیں، آمین۔
تفصیلات کے مطابق وزیراعظم عمران خان نے سماجی رابطے کی ویب سائٹ ٹوئٹر پر قوم اور امتِ مسلمہ کو شبِ برات کی مبارک دی اور کہا اللہ پاک قوم اور امت پر رحم فرمائیں اور ہمیں امن و خوشحالی سے نوازیں، آمین۔
Shab-e-Barat Mubarak to the nation & the Muslim Ummah. May Allah Almighty have mercy on us and bring us peace and prosperity. Ameen!
— Imran Khan (@ImranKhanPTI) March 18, 2022
خیال رہے دنیا بھر میں مسلمان آج رات شب برات عقیدت و احترام سے منائیں گے ، رحمتوں، فضیلتوں اور برکتوں والی شب برات کے موقع پرعبادات اور دعائیں کی جائیں گی۔
ماہ شعبان کی پندرھویں رات کو عام طور پر شب برات یعنی بری ہونے کی رات کہا جاتا ہے، اس رات مسلمان توبہ کرکے گناہوں سے قطع تعلق کرتے ہیں اور جہنم سے نجات پاتے ہیں ۔
اس رات کو مغفرت کی رات اوررحمت کی رات بھی کہا جاتا ہے، احادیث کی روشنی میں بلا شبہ ماہ شعبان بہت سی فضیلتوں کا حامل ہے، رمضان کے بعد آپ صلی الله علیہ وسلم سب سے زیادہ روزے اسی ماہ میں رکھتے تھے۔