The news is by your side.

Advertisement

شبانہ اعظمی کی والدہ نے ان کی شادی کسی لنگڑے لولے سے کروانے کا کیوں کہا؟

بالی ووڈ کی معروف اداکارہ شبانہ اعظمی نے بتایا کہ ان کی والدہ ایک فلم دیکھ کر بھڑک اٹھی تھیں، شبانہ کا کہنا تھا کہ ان کی والدہ بہت ہی مضبوط اور بے باک طریقے سے اپنی بات کہتی تھیں۔

بالی وڈ کی لیجنڈری اداکارہ شبانہ اعظمی اپنی والدہ شوکت اعظمی سے بے انتہا محبت کرتی ہیں، اور ان کے ساتھ گزارے لمحات زندگی کا حسین ترین وقت مانتی ہیں۔

حال ہی میں شبانہ اعظمی نے دی اولڈیسٹ لو اسٹوری نامی کتاب کے اجرا کی تقریب میں بطور مہمانِ خصوصی شرکت کی، شبانہ اعظمی نے اس کتاب میں اپنی ماں کے ساتھ گزارے وقت کے قصوں کے بارے میں ایک مضمون شیئر کیا۔

شبانہ اعظمی اپنی والدہ کے بارے میں لکھتی ہیں کہ وہ ایک بہت اچھی خاتون، ماں اور بیوی تھیں۔ ان کی سب سے بڑی خاصیت تھی کہ وہ اپنی پروفیشنل لائف کے ساتھ ساتھ پرسنل لائف میں برابر تال میل رکھتی تھیں۔

انہوں نے لکھا کہ وہ بالی وڈ کی نروپا رائے ٹائپ کی ماں نہیں تھیں، وہ بہت ہی مضبوط اور بے باک طریقے سے اپنی بات کہتی تھیں، وہ کب آپ کو زمین پر اتار دیں گی، پتہ بھی نہیں چلتا تھا۔

شبانہ اعظمی نے بتایا کہ جب ان کی پہلی فلم انکر ریلیز ہوئی تھی تو میری ماں مجھ سے آگے والی قطار میں بیٹھی تھیں، فلم دیکھتے ہوئے انہوں نے مجھے کہا کہ تم ایک بہت اچھی اداکارہ ہو، مجھے فخر ہے تم پر، یہ فلم بہت اچھی ہے۔

انہوں نے کہا کہ ماں کی بات سن کر میں بہت پراعتماد ہوگئی۔

شبانہ نے بتایا کہ جب دو ماہ بعد ان کی دوسری فلم فاصلہ آئی تب وہ بولیں کہ شبانہ یہ اتنی بے ہودہ فلم ہے اور تم نے اتنا بے ہودہ کام کیا ہے، اگر یہ فلم تم نے مجھے پہلے دکھا دی ہوتی تو میں تمہاری شادی کسی لنگڑے لولے سے کروا دیتی، لیکن فلم انڈسٹری میں نہیں آنے دیتی۔

Comments

یہ بھی پڑھیں