آسٹریلیا میں جاری ٹی 20 ورلڈ کپ میں جہاں پاکستان بنگلہ دیش کو شکست دے کر سیمی فائنل میں پہنچا وہیں شاداب نے بھی اسی میچ میں بڑا کارنامہ انجام دیا۔
قومی ٹیم کے کپتان نے بنگلہ دیش کے خلاف میچ میں دو گیندوں پر مسلسل دو وکٹیں حاصل کیں جس میں بنگلہ کپتان شکیب الحسن کی قیمتی وکٹ بھی شامل تھی تاہم اس وکٹ کے ساتھ ہی انہوں نے ایک کارنامہ انجام دے دیا۔
شاداب خان نے جب بنگلہ دیشی کپتان شکیب الحسن کو آؤٹ کیا تو یہ ان کی مختصر فارمیٹ کی کرکٹ میں 97 ویں وکٹ تھی اس طرح انہوں نے سابق قومی کپتان شاہد خان آفریدی المعروف بوم بوم کا ریکارڈ برابر کردیا۔
شاداب خان کے شاہد آفریدی کے ریکارڈ کے ہم پلہ ہونے کی خاص بات یہ ہے کہ سابق کپتان نے 97 وکٹیں 82 ٹی ٹوئنٹی میچز میں حاصل کی تھیں جب کہ شاداب خان نے بھی یہ کارنامہ اپنے 82 ویں میچ میں انجام دیا ہے۔
تاہم شاداب خان کا شاندار کرکٹ کیریئر ابھی جاری ہے اور قومی امکان ہے کہ وہ ٹی 20 میں اپنی وکٹوں کی تعداد کو سنچری سے بھی اوپر لے جائیں گے۔