لاہور : کریبئین پریمیئر لیگ کے ابتدائی دو میچز میں پاکستان کے ابھرتے ہوئے اسٹارز شاداب خان اور حسن علی کی تباہ کن بولنگ نے اپنی اپنی ٹیموں کو میچز جیتوا دئیے۔
تفصیلات کے مطابق چیمپینز ٹرافی کے ہیرو حسن علی اور شاداب خان نے اپنی اعلیٰ کارکردگی کی بدولت اپنے پہلے ہی میچ میں مخالفین کے پرخچے اڑا کر رکھ دئیے۔
پاکستانی کرکٹ کے چمکتے ستاروں نے ویسٹ انڈیز کی ٹی ٹوئنٹی لیگ میں دھاک بٹھا دی۔ پہلا میچ ٹرینباگو نائٹ رائیڈرز اور سینٹ لوشیا اسٹارز کے درمیان کھیلا گیا۔
مزید پڑھیں: حسن علی کا چیمپئنز ٹرافی میں نیا ریکارڈ
کربیبئن پریمیئر لیگ کے پہلے میچ میں ٹرینباگو کی جانب سے ڈیبیو کرنے والے شاداب کی گھومتی گیندوں نے بلےبازوں کو چکرا دیا۔
مزید پڑھیں: ابھرتے کھلاڑیوں نے ثابت کردیا کہ ہم کسی سے کم نہیں
شاداب نے4اوورز میں 15رنز دے کر دو وکٹیں حاصل کیں۔ مین آف دی میچ کا ایوارڈ بھی شاداب خان لے اڑے۔ جبکہ چیمپیئنز ٹرافی کے ہیرو حسن علی نے بھی اپنے ڈیبیو میچ میں دھماکہ خیز انٹری دی۔
مزید پڑھیں: جونیئرشاداب خان نے سینیئریووراج کو پویلین کے باہر بھیجا
سینٹ کٹس کیلئے کھیلتے ہوئے حسن علی نے4اوورز کرائے۔19رنز دئیے اور دو کھلاڑیوں کا شکار کیا۔ مین آف دی میچ کی تصویر حسن علی نے ٹوئٹر پر بھی اپ لوڈ کی۔
