پاکستانی کرکٹر شاداب خان نے 2023 میں شادی کے بندھن میں بندھنے سے قبل مشہور ٹک ٹاکر شاہ تاج خان کی جانب سے ان کے درمیان مبینہ چیٹس کے حوالے سے کیے گئے دعوؤں پر بالآخر اپنی خاموشی توڑ دی۔
واضح رہے کہ ٹک ٹاک اسٹار شاہ تاج خان نے گزشتہ سال کرکٹر شاداب خان سے متعلق دعویٰ کیا تھا کہ وہ تقریباً چھ سے سات ماہ تک واٹس ایپ اور انسٹاگرام پر ان سے رابطے میں تھیں، لیکن انہیں شادی کے بارے میں آگاہ نہیں کیا تھا۔
قابل ذکر بات یہ ہے کہ شاداب نے دو سال قبل تجربہ کار کرکٹر ثقلین مشتاق کی بیٹی ملائکہ کے ساتھ شادی کرلی تھی۔
پاکستانی کرکٹر شاداب حال ہی میں نجی ٹی وی چینل کے مزاحیہ پروگرام میں شریک ہوئے، اس دوران میزبان کے سوال پر انہوں نے اس حوالے سے بات کی۔
شاداب کا کہنا تھا کہ مجھے لگتا ہے کہ اگر کرتے بھی ہیں تو کیا بُری بات ہے؟ اگر آپ کو اچھا نہیں لگتا تو آپ جواب نہ دیں، نظرانداز کردیں۔ اگر وہ جواب دیتی ہیں تو اس کا مطلب ہے کہ وہ بھی کرکٹرز سے بات کرنے میں دلچسپی رکھتی ہیں۔
"شاداب خان کو جانتی تھی شادی سے دل ٹوٹ گیا”
شاداب نے کہا کہ صرف سستی شہرت حاصل کرنے کے لیے بھی کرکٹرز کے بارے میں ایسی باتیں کی جاتی ہیں، خاص طور پر ٹورنامنٹس کے دوران ایسی چیزوں کو زیادہ اجاگر کیا جاتا ہے۔
