The news is by your side.

Advertisement

دورہ نیوزی لینڈ: قومی ٹیم کو ایک اور نقصان

ویلنگٹن: دورہ نیوزی لینڈ پاکستان کے لئے ڈراؤنا خواب ثابت ہونے لگا، بابر اعظم کے بعد شاداب خان بھی انجری کے باعث پہلے ٹیسٹ سے باہر ہوگئے ہیں۔

تفصیلات کے مطابق پی سی بی کی جانب سے سماجی رابطے کی ویب سائٹ ٹوئٹر پر جاری اپنے بیان میں کہا گیا کہ شاداب خان انجرڈ ہونے پر نیوزی لینڈ کے خلاف پہلے ٹیسٹ سے باہر ہوگئے، ان کی جگہ ظفر گوہر کو اسکواڈ میں شامل کرلیا گیا ہے۔

پی سی بی کے مطابق شاداب خان نے تیسرے ٹی ٹوئنٹی کے بعد بائیں ٹانگ میں تکلیف کی شکایت کی تھی، ایم آر آئی اسکین کے بعد شاداب کی انجری کی نوعیت کا پتہ چلےگا۔

اس سے قبل اکیس دسمبر کو قومی ٹیم کے کپتان بابر اعظم انجری کے باعث ٹی ٹوئنٹی کے بعد پہلے ٹیسٹ میچ سے باہر ہوئے تھے، پاکستان کرکٹ بورڈ کی جانب سے جاری اعلامیے میں بتایا گیا تھا کہ قومی ٹیم کے مایہ ناز بلے باز و کپتان بابراعظم انجری کا شکار ہوئے تھے جس کےباعث انہیں 12 دن تک کم از کم آرام کرنا ہوگا۔

دوسری جانب دورہ نیوزی لینڈ پر جانے والے بہترین بلے باز امام الحق بھی انجری کا شکار ہونے کے باعث پہلے ٹیسٹ کےلیے دستیاب نہیں ہوں گے۔

یہ بھی پڑھیں:  وقار یونس وطن واپس کیوں آ رہے ہیں؟

پی سی بی نے کیویز کے خلاف ٹیسٹ میچ کےلیے کپتان محمد رضوان کی قیادت میں پندرہ رکنی اسکواڈ کا اعلان کیا تھا، کپتان اور ٹیم مینیجمنٹ کی جانب سے اظہر علی کو بھی اسکواڈ میں شامل کیا گیا جبکہ عابد علی، شان مسعود اور فواد عالم بھی ٹیم میں شامل ہیں۔

بابر اعظم کے باہر ہونے کے باعث عمران بٹ کو متبادل کے طور اور حارث سہیل کو شامل کیا گیا ہے جبکہ بولرز میں سہیل خان، محمد عباس، نسیم شاہ اور شاہین شاہ آفریدی شامل ہیں، ٹیسٹ اسکواڈ میں فہیم اشرف اور یاسر شاہ بھی شامل ہیں۔

واضح رہے کہ محمد رضوان ٹیسٹ فارمیٹ میں پاکستان کی قیادت کرنے والے 33 ویں کپتان ہوں گے۔

Comments

یہ بھی پڑھیں