قومی ٹیم کے نائب کپتان شاداب خان نے اپنی ہی گیند پر بنگلا دیشی کھلاڑی کا شاندار کیچ تھامنے کی تصویر شیئر کردی۔
تفصیلات کے مطابق قومی ٹیم کے آل راؤنڈر شاداب خان نے بنگلا دیش کے خلاف دوسرے ٹی 20 میچ میں نجم الحسین شانتو کا شاندار کیچ پکڑنے کی تصویر سماجی رابطے کی ویب سائٹ ٹویٹر پر شیئر کی اور ایک پیغام بھی لکھا۔
شاداب خان نے بنگلا دیش کے خلاف دوسرے ٹی 20 میچ میں قومی ٹیم کی جیت پر مبارک باد پیش کی۔
لیگ اسپنر نے کپتان بابر اعظم کو مخاطب کرتے ہوئے لکھا کہ ’ایک اور ضروری بات، بڈھا نہیں ہوا ابھی میں۔‘
Another team effort for that victory. Aur ek zaruri baat: Budha nahi hua abhi mai @babarazam258 😜. pic.twitter.com/bNhN0mP0Rb
— Shadab Khan (@76Shadabkhan) November 20, 2021
واضح رہے کہ اس سے قبل تی 20 ورلڈکپ میں ویسٹ انڈیز کے خلاف پریکٹس میچ کے دوران شاداب خان نے رن آؤٹ کرنے کی ناکام کوشش کی تو بابراعظم نے انہیں کہا تھا کہ ‘بڈھا ہو گیا ہے بڈھا’۔
بابر اعظم کے یہ الفاظ کہنے کی ویڈیو سوشل میڈیا پر خوب وائرل ہوئی تھی۔
اب شاداب خان نے موقع غنیمت جانتے ہوئے بابر اعظم کو یاد دلایا کہ وہ ابھی بڈھے نہیں ہوئے ہیں۔
"Budha hogaya hai"? 😂
Babar Azam to Shadab after a slow throw during practice match against WI today 😂😂#t20worldcup2021 #Pakistan #westindies pic.twitter.com/GIlcJz9ANk
— Munib Hamid (@MunibHamid) October 18, 2021
شاداب خان کی تصویر کو مداحوں کی جانب سے خوب سراہا جارہا ہے، شاداب نے ایک گھنٹے پہلے یہ پوسٹ شیئر کی جسے اب تک 13 ہزار سے زائد صارفین دیکھ چکے ہیں اور اس پر کمنٹس بھی کیے جارہے ہیں۔