کراچی: قومی ٹیم کے لیگ اسپنر شاداب خان کا کہنا ہے کہ سابق کپتان سرفراز احمد جنوبی افریقی کھلاڑی فاف ڈوپلیسی جیسی باڈی بنانا چاہتے ہیں۔
تفصیلات کے مطابق قومی ٹیم کے لیگ اسپنر شاداب خان نے سماجی رابطے کی ویب سائٹ ٹویٹر پر سرفراز احمد کی ورزش کرتے ہوئے ویڈیو شیئر کی جس میں سرفراز ورزش کرتے ہوئے دکھائی دے رہے ہیں۔
شاداب نے ویڈیو کے ساتھ سرفراز احمد کو مخاطب کرتے ہوئے مزاحیہ انداز میں لکھا کہ ’جب سے سیفی بھائی نے فاف کی وہ تصویر دیکھی ہے ان کا مقصد ویسی ہی باڈی بنانے کا ہوگیا ہے۔‘
Keep going @SarfarazA_54. He wants to have a body like @faf1307. Jub se Saifi bhai ne Faf ki woh tasveer dekhi hai, inka aim vesi body bnane ka ho gaya hai 😜 pic.twitter.com/7m7YwaEul2
— Shadab Khan (@76Shadabkhan) January 24, 2021
شاداب خان کی ویڈیو اور پیغام کا سرفراز احمد نے مسکرا کر جواب بھی دیا۔
Hahaha shaddy 👊👊👊
— Sarfaraz Ahmed (@SarfarazA_54) January 24, 2021
واضح رہے کہ پاکستان اور جنوبی افریقہ کے درمیان پہلا ٹیسٹ کل سے نیشنل اسٹیڈیم کراچی میں کھیلا جائے گا۔
جنوبی افریقا کے خلاف پہلے ٹیسٹ کے لیے بابر اعظم کی قیادت میں 17رکنی پاکستانی اسکواڈ کا اعلان کر دیا گیا ہے۔
کھلاڑیوں میں عابد علی، عمران بٹ، اظہر علی، فواد عالم، سعود شکیل، فہیم اشرف، محمد نواز، محمد رضوان، سرفراز احمد ، نعمان علی ،ساجد خان ،یاسر شاہ ، حارث رؤف، حسن علی، شاہین شاہ آفریدی اور تابش خان شامل ہیں۔