ہفتہ, مئی 25, 2024
اشتہار

شاداب خان نے زخمی ہونے کے بعد اہم پیغام جاری کردیا

اشتہار

حیرت انگیز

پاکستان کے آل راؤنڈر شاداب خان انجری کا شکار ہو گئے تاہم اب انہوں نے ٹوئٹر پر پیغام جاری کردیا ہے۔

شاداب خان انگلینڈ میں ٹی ٹوئنٹی بلاسٹ میں سسیکس کی جانب سے ڈیبیو میچ میں انجری کا شکار ہوئے انہیں گردن میں چوٹ آئی ہے۔

انگلینڈ میں ٹی ٹوئنٹی بلاسٹ میں سمرسیٹ کے خلاف میچ میں ایک کیچ پکڑنے کی کوشش میں شاداب خان کی ساتھی فیلڈر ناتھن میک اینڈریو کے ساتھ شدید ٹکر ہو گئی۔

- Advertisement -

 دونوں کھلاڑی فیلڈرز نے ٹام کوہلر کیڈمور کا اونچا کیچ پکڑنے کی کوشش کی تھی، اس وجہ سے میچ 10 منٹ رکا رہا، سسیکس کے میڈیکل اسٹاف نے گراؤنڈ میں طبی امداد دے کر کھلاڑیوں کو کھڑا کیا۔

کنکشن پروٹوکولز مکمل کرنے کے بعد نیتھن میک اینڈریو نے اپنے چار اوورز مکمل کیے جبکہ شاداب خان  پروٹوکول کی وجہ سے گراؤنڈ سے باہر چلے گئے تھے۔

سسیکس کے ہیڈ کوچ پال فبریس کے مطابق شاداب خان کی مانیٹرنگ جاری ہے، وہ  بہتر ہیں،صرف ان کی گردن میں تکلیف ہے۔

دوسری جانب آل راؤنڈر شاداب خان نے سماجی رابطے کی ویب سائٹ ٹوئٹر پر جاری پیغام میں کہا کہ ’ الحمدللہ میں بہتر ہوں اور اچھا محسوس کر رہا ہوں، میرے کچھ ٹیسٹ ہو چکے ہیں۔ احتیاط کے طور پر میں کچھ دن آرام کروں گا۔

شاداب خان نے اپنے مداحوں کی تمام دعاؤں اور تعاون کا شکریہ بھی ادا کیا۔

Comments

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں