لاہور: قومی ٹیسٹ ٹیم کے اوپنر شان مسعود نے کاؤنٹی کرکٹ میں گزشتہ روز دوسری ڈبل سنچری اسکور کی تو لیگ اسپنر شاداب خان بھی ان کی تعریف کیے بنا نہ رہ سکے۔
قومی ٹیم کے لیگ اسپنر شاداب خان نے شان مسعود کو ڈبل سنچری کی مبارک باد دیتے ہوئے لکھا کہ ’میں نے آپ سے کہا تھا کہ آپ تین ڈبل سنچریاں کرو، میں آپ کے پاس آجاؤں گا، بس ایک رہ گئی دو ہوگئی ہیں۔
شان مسعود نے بھی شاداب خان کو جواب دیتے ہوئے لکھا کہ ’بس اب جلدی آجاؤ۔‘
Bus jaldi Ajao please ❤️🤗 https://t.co/g1nNNzmsRE
— Shan Masood (@shani_official) April 22, 2022
یاد رہے کہ قومی ٹیم کے لیگ اسپنر شاداب خان کا انگلش کاؤنٹی یارکشائر سے معاہدہ ہو چکا ہے، وہ فاسٹ بولر حارث رؤف کے ہمراہ یارکشائر کی نمائندگی کریں گے۔
دوسری جانب شان مسعود کاؤنٹی چیمپئن شپ میں مسلسل دو اننگز میں 2 ڈبل سنچریاں اسکور کرنے والے پہلے پاکستانی بن گئے۔
شان مسعود نے ڈربی شائرکرکٹ کلب کی نمائندگی کرتے ہوئے لیسٹر شائر کے خلاف ڈبل سنچری بنائی ،پاکستانی اوپنر نے اس سے قبل سسکس کیخلاف 239 رنز کی اننگز کھیلی تھی۔