معروف پاکستانی گلوکارہ شے گل نے عالمی شہرت یافتہ گلوکار نصرت فتح علی خان کا گانا گا کر سب کے دل جیت لیے، ان کے گانے کی ویڈیو سوشل میڈیا پر وائرل ہوگئی۔
کوک اسٹوڈیو سیزن 14 کے گانے پسوڑی سے شہرت حاصل کرنے والی گلوکارہ شے گل نے عالمی شہرت یافتہ گلوکار نصرت فتح علی خان کا گانا گا کر سر بکھیر دیے۔
سوشل میڈیا پر شے گل کا یہ کلپ تیزی سے مقبول اور شئیر کیا جا رہا ہے جس میں دیکھا اور سنا جا سکتا ہے کہ گلوکارہ اپنی منفرد آواز میں شہنشاہ قوال استاد نصرت فتح علی خان کا مقبول ترین گانا تیرے بن نہیں لگتا دل میرا ڈھولنا گا رہی ہیں۔
View this post on Instagram
خیال رہے کہ شے گل نے رواں سال 7 فروری کو اپنا کوک اسٹوڈیو کا پہلا گانا پسوڑی ریلیز ہونے پر بتایا تھا کہ انہوں نے مذاق مذاق میں دوستوں کے ہمراہ ہاسٹل میں گلوکاری کا آغاز کیا تھا مگر اب وہ پروفیشنل گلوکارہ بن چکی ہیں۔
شے گل کا تعلق پنجاب کے دارالحکومت لاہور سے ہے اور ان کی عمر 23 برس ہے۔
انہوں نے اپنا حقیقی نام ابھی تک نہیں بتایا اور اس حوالے سے ان کا کہنا ہے کہ جیسے ہی انہوں نے گلوکاری کا آغاز کیا تو دوستوں نے انہیں شے گل کہنا شروع کردیا اور پھر انہوں نے یہی نام استعمال کیا۔
